2023-mi agguaqatigiissillugu motorbenzinamut 4,40 kr. literimut atuisunut akigitinneqarpoq ukiup siulianit aki allanngornani taamaaginnarpoq. 2023-mi gasolia atorneqartartoq literimut 4,55 kr.-iuvoq, ukiup siuliani aamma taamatut akeqarpoq. 2011-mi januaarip aallaqqaataaniilli avatangiisinut nukissiuutit akitsuuserneqarmatali akitsuut literimut 0,10 kr.-iusimavoq.
2023-mi kWh-mut 1,74 kr.-inik akeqarsimavoq, 2022-mut sanilliullugu 5,5 pct.-imik qaffassimalluni. Ungasianit kissamut kWh-imut 0,71 kr.-imik akeqarpoq.
Titartagaq 33. Angerlarsimaffinnut nukissiuutit akii (akit ingerlaavartut)
Najoqqutaq: Polaroil aamma Nukissiorfiit
Titartakkami 34-mi 2023-mi angerlarsimaffinni nukissiuutit akii takuneqarsinnaapput, taakku atuisunut akinut naleqqersuutip qaffasissussaanit akit ingerlaavartut peerlugit suliaapput.
2023-mi motorbenzinap akia 2,4 pct.-imik apparpoq 2022-mut sanilliullugu. Piffissami tassani aamma gasoliap akia 2,4 pct.-imik apparpoq.
Akit aalajangersimasut tunngavigalugit benzinap akia ulumikkut qaffasinneruvoq ukiunut 10-15-inut sanilliullugu. 1980-ikkunnilu motorbenzina akisunerusimavoq, taamani 1978-imi oliamik ajalusoorujussuarnerup kingunerisaanik oliap akia qaffarujussuaqqasimanera suli sunniuteqarsimammat. 1983-imi olia literimut 5,50 kr.-eqarsimavoq, ullutsinni aningaasat nalingi atorlugit 15,20 kr.-iulluni. Taamanikkut biilit literimut atortagaat maanna atorneqartartumit marloriaatingajaavoq. Ukiuni kingullerni benzina akisusimagaluartoq, 1980-ikkunni 1990-ikkunnilu inoqutigiinnut akisunerungaatsiarsimavoq.
Titartagaq 34. Angerlarsimaffinnut nukissiuutit akii (akit aalajangersimasut 2023)
Najoqqutaq: Polaroil, Nukissiorfiit aamma Naatsorsueqqissaartarfik
2004-ap naanerani innaallagiamut, imermut kissamullu akit atuisunut assigiipput. 2005-ip aallartinnerani assigiimmik akeqartitsineq taarseriartorneqalerpoq, akit illoqarfimmiit illoqarfimmut aamma nunaqarfimmiit nunaqarfimmut assigiikkunnaarput. Nukissiorfiit qullernut nukissiornermullu atortussamik innaallagiamik akigisaqarnermit isertitaat tamarmiusut tunisaanik agguarlugit, agguarlugit akit nassaarineqarput. Innaallagiaq aamma imeq aalisakkerivinnut atui